Kateleban dr. Pras, Kleteg Keneh Nulungin Sasamen Pada
beritabali/ist/Kateleban dr. Pras, Kleteg Keneh Nulungin Sasamen Pada
GOOGLE NEWS
BERITABALI.COM, DENPASAR.
Buka dr. I Gusti Bagus Dharma Prakasa Murti, gae dadi tenaga kesehatan ento boya ja tuah gagaen dogen, nanging mase satmaka kleteg keneh nulungin sasamen. Katelebanne di widang medis ane tusing tua sawates praktik klinis dogen, nanging mase di widang pendidikan anggon ngembasang tenaga medis riwekas.
Dadi dokter ane ngalaksanayang praktik di silih tunggil rumah sakit di Denpasar, anake muani ane lekad 18 Maret 1981 ene state negesang kautaman edukasi ajak pasienne. Manut buka dane, pangeresep ane luung parindikan panyakit muwah tata caranne nyegerang dadi sarana ane sida ngaenang pasiene sida seger muwah nyalanin urip ane rahayuan.
Lenan teken nyalanang profesinne dadi dokter, dr. Pras mase ngayah ngabdi dadi dosen di Fakultas Kedokteran Universitas Mahasaraswati (Unmas) Denpasar uli tahun 2023. Kaputusanne ngamilunin dadi tenaga pengajar boya ja tusing ada ane ngaranaang.
“Dadi pengajar ento marupa pajalan ane anyar yen kadi tiang, krana sangkaning ento ngae tiang sida bareng ngawangun SDM medis ane makompeten riwekas,” munyinne.
Dadi lulusan Fakultas Kedokteran Universitas Wijaya Kusuma Surabaya, dr. Pras dot mastikayang yening ada regenerasi tenaga medis riwekas ane sida ngelah kualitas ane luung. Ento ane ngawinang, iye nyak ngajahin nganggon metode ane santai tur interaktif, ane ngaenang kelase trepti apang mahasiswane tusing marasa tegang.
Tusing ja tuah aktif di kelas dogen, dokter ane demen teken sakancan parikrama ane outdoor ene mase sai pesan bareng di makudang-kudang pidabdab kemahasiswaan. Iye ngugu yening pengalaman organisasi mautama pesan yening sida kajalanang baan mahasiswa kedokteran krana sida dado bekel ngenterang pakibeh jagat.
“Pengalaman organisasi ane sida kalaksanayang baan anake ane dadi dokter ento mautama pesan, krana rikala ngalaksanayang swadharmanne dokter patut sida dadi manggala ane wicaksana,” pawewehne.
Uli kiprahne dadi dokter keto mase dadi tenaga pendidik, dr. Pras ngaptiang sida state ngamaang kontribusi di widang kesehatan, yapin ento uli layanan media muah ngajahin calon dokter apang dadi tenaga ane profesional tur makualitas ajak ngelah dedikasi ane gede.
Editor: Putu Ayu Candra Dewi
Reporter: bbn/tim
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
