Pragina Bondres, Nyoman Durpa Lampus

Rabu, 16 November 2016 | 11:20 WITA

Pragina Bondres, Nyoman Durpa Lampus

Beritabalicom

DOWNLOAD APP BERITABALI.COM   

Nyoman Durpa, 57, pragina bondrés saking Désa Satra, Kecamatan Kintamani, Bangli ngemasin lacur dugas maubad ring Rumah Sakit Kerta Usadha Singaraja, Buléléng, Anggara (15/11) semeng sawatara jam 06.00 Wita. Pragina sané ngawangun Sanggar Seni Dwi Mekar, Kelurahan Banyuning, Kecamatan Buléléng niki lampus santukan sungkan komplikasi diabete lan tetanus saking 4 warsa lintang.
 
Sadurung lampus, pragina sané Pengawas Dinas Pendidikan Pemuda dan Olahraga Buléléng puniki polih awai lan apeteng karawat ring RS Kerta Usadha Singaraja, Soma (14/11) semeng. Nyoman Durpa plaibanga ka rumah sakit santukan drop, Saniscara (12/11). Risampun polih ubad – pragina sané polih nyalonang raga dados Calon Wakil Bupati Bangli saking jalur indepénden puniki mapasangan sareng Ida Bagus Ludra ring Pilkada 2010 –kadadosang budal.
 
Risampun kadadosang budal, dina punika Durpa luas ngidel ka Tabanan sareng Sekaa Bondres Dwi Mekar. Nanging malih puanné, bayun ipuné malih soak kantos kaplaibang ka rumah sakit. Nanging Anggara (15/11) sawatara jam 06.00 Wita, ipun ngemasin mati. Nyoman Durpa ngalahin somahné, Ni Kadék Mas Swandéwi lan pianakné adiri, I Gedé Pandé Satria Kusumayuda. Layon Nyoman Durpa sané naenin dados guru ring SMAN 1 Bangli kabakta budal ka Désa Pakraman Satra. Indik galah ngabén kantun nunasang duwasa ayu. Ki Sanak


Rabu, 16 November 2016 | 11:20 WITA


TAGS: durpa bondres



Berita Terkait :


Berita Lainnya :

Lihat Arsip Berita Lainnya:

 

HASIL SEMENTARA SIMULASI POLLING PEMILIHAN BAKAL CALON GUBERNUR BALI 2018
    • Dr. IGN Arya Wedakarna M Wedasteraputra Suyasa
    • Ni Putu Eka Wiryastuti, S.Sos
    • Dr.Ir. Wayan Koster, M.M.n.
    • I Gede Pasek Suardika, SH
    • Drs. Anak Agung Gede Ngurah Puspayoga
    • Ida Bagus Rai Dharmawijaya Mantra, SE, M.Si
    • Drs. I Ketut Sudikerta
    • Mayjen TNI (Purn) Wisnu Bawa Tenaya S.IP
    • Total responden sampai saat ini: 1598