Dagang Bakso Ngejer Nepukin Orok Mabungkus Tas Kresek

Sabtu, 07 Oktober 2017 | 10:55 WITA

Dagang Bakso Ngejer Nepukin Orok Mabungkus Tas Kresek

Beritabali.com/ist

DOWNLOAD APP BERITABALI.COM   

Beritabali.com - Tabanan. Dugas nginceh, dagang bakso Mujamil, 45, nepukin tas krésék poléng di karang suwung Jalan Bypass Dr Ir Soekarno, Banjar Sanggulan, Désa Banjar Anyar, Kecamatan Kediri, Tabanan, Sukra Kliwon Wariga (7/10). 
 
Mara gagaha, tas krésék poléng ento misi orok muani. Orok muani ento tepukina di bet-beté, misi getih lan ari-ari. Ipun lantas nyambatang tekén krama tur nglaporang ka Polsék Kediri.
 
Kapolsék Kediri, Kompol I Nyoman Sumarajaya sauning Kapolrés Tabanan AKBP Marsdianto nerangang, orok muani ento suba mati. Muané ocem tur kulit basangné sebuh. 
 
“Orok punika kakaput tas krésék, di sisi tas krésék barak di tengahné tas krésék poléng. Ari-ari oroké tileh maimbuh misi getih,” atur Kompol Sumarajaya. 
 
Dané nerangang, dagang bakso ané nepukin oroké ento ngejer das ngemasin pingsan. Sambilanga ngejer lantas ngwangsitin tuan toko di paek tongos nepukin orok. 
 
Kompol Sumarajaya durung uning sapasira sané ngentungang oroké ento. Oroké ento lantas kabakta ka BRSUD Tabanan. (Nang Satria/Isin Gumi)


Sabtu, 07 Oktober 2017 | 10:55 WITA


TAGS: berita tabanan bali



Berita Terkait :


Berita Lainnya :

Lihat Arsip Berita Lainnya:

 

HASIL SEMENTARA SIMULASI POLLING PEMILIHAN CALON GUBERNUR DAN WAKIL GUBERNUR BALI 2018-2023
    • I Wayan Koster dan Tjokorda Oka Artha Ardhana Sukawati
    • Ida Bagus Rai Dharmawijaya Mantra dan I Ketut Sudikerta
    • Total responden sampai saat ini: 812