Wabup Sanjaya Ngamolihang Penghargaan Emas Adhi Bhakti Tani Nelayan Utama

Jumat, 07 September 2018 | 23:30 WITA

Wabup Sanjaya Ngamolihang Penghargaan Emas Adhi Bhakti Tani Nelayan Utama

beritabali.com/ist

DOWNLOAD APP BERITABALI.COM   

Beritabali.com,Tabanan. Kontak Tani Nelayan Andalan (KTNA) Nasional ngaturang penghargaan Lencana Emas Adhi Bhakti Tani Nelayan Utama majeng Wakil Bupati Tabanan Dr. I Komang Gede Sanjaya, SE, M.M. Penghargaan punika katampa olih  Wabup Dr. Sanjaya ring  acara Pekan Daerah (Peda) KTNA ke-26 Petani Nelayan 2018 Provinsi Bali sane kalaksanayang ring Lapangan Lumintang, Denpasar, Sukra Keliwon wuku Bala (7/9)
 

Penghargaan punika kaserahang olih Ketua Umum KTNA Nasional Winarno Tohir. Tios saking Wabup Tabanan, penghargaan punika taler katampa olih di
Bupati Badung sane katerima olih sang sane ngewalinin.
 
Penghargaan punika pinaka   dorongan taler dukungan KTNA Nasional majeng Pemerintah Daerah utawi Pemerintah Pusat sane sutindih ring tetujon nincepang produksi pertanian lan nelayan ring  Indonesia.
 
Ketua KTNA Nasional Winarno Tohir  maosang, Peda puniki mangda kaanggen galah mautama ngunggahang   kreatifitas  petani nelayan. Dane ngaptiang, pare petani nelayan  prasida masimakrama rikalaning nincepang kualitas petani nelayan. Indik punika pastika presida ngerauhang kesejahteraan ring krama tani lan bendega utawi nelayan.
 
Dane ngawewehin, Peda puniki mangda sarana utama anggen nyanggra Pekan Nasional (Penas) ke-16 ring Sumatra Barat sane pacang memargi ring warsa 2020. (bbn/rah/rob)


Jumat, 07 September 2018 | 23:30 WITA


TAGS: Wabup Sanjaya Tabanan KTNA Penghargaan Lencana Emas Adhi Bhakti Tani Nelayan Utama



Berita Terkait :


Berita Lainnya :

Lihat Arsip Berita Lainnya: