Setra Desa Kelating Tabanan Abrasi Kantos 15 Are
Selasa, 4 September 2018,
13:00 WITA
Follow
beritabali.com/ist
IKUTI BERITABALI.COM DI
GOOGLE NEWS
BERITABALI.COM, TABANAN.
Beritabali.com,Tabanan. Kirang langkung 15 are setra druewen Banjar Dukuh lan Dangin Pangkung, Desa Kelating, Kecamatan Kerambitan, Tabanan keni abrasi. Abrasi punika kadulurin saking toyan ombak segara utawi laut selatan lan kauningin saking sasih Juli daweg rauh ombak ageng.
[pilihan-redaksi]
“Saking 40 are setra duwen kalih banjar, sane keni abrasi kirang langkung 15 are, minakadi lantangne 25 meter lan lambihne 60 meter,” baos Mangku Prajapati, Jro Mangku Subadi Soma Umanis wuku Bala ( 3/9).
“Saking 40 are setra duwen kalih banjar, sane keni abrasi kirang langkung 15 are, minakadi lantangne 25 meter lan lambihne 60 meter,” baos Mangku Prajapati, Jro Mangku Subadi Soma Umanis wuku Bala ( 3/9).
Jro Mangku Subadi nganikayang ombak ageng taler nguwug 10 warung sane wenten ring Desa Kelating. Dumun abrasi ombak ageng taler ngerauhang abrasi nanging linggahne nenten sekadi mangkin.
Mangku Subadi malih matur, ring setra punika kantun wenten 15 sawa sane kantun mapendem lan durung meaben. Yening durung nenten gelis polih pemargi maka 15 sawa punika pacang anyud olih abrasi. Napi malih sawa sane kantun mapendem saking sisi setra wantah 15 meter.
"Kawentenang punika mawinan titiang nyapnyap napi malih ombak ombake sering ageng lan tanah setra ngangsan anyud," baos Mangku Subadi.
Jero Mangku Subadi taler ngangken, kawentenang punika mawinan krama meweh negen wadah. Santukan abrasi punika ngemawinanh pemedalan setra negehang.
"Sedurung ombak ageng rauh, setra puniki dangsah, nanging olih abrasi sedikit dadosne negehan," tegesne.
[pilihan-redaksi2]
Sekertaris Desa Kelating, I Made Semandi ngangken taler nyapnyap santukan ombake sering ageng lan abrasi ngangsan makehang.
Sekertaris Desa Kelating, I Made Semandi ngangken taler nyapnyap santukan ombake sering ageng lan abrasi ngangsan makehang.
"Titiang nyapnyap yening ombak ageng malih rauh lan abrasi ngangsan ngelinggahang," dane malih ngawewehin.
Semadi jagi gelis nguningan ke BPBD Tabanan indik kawentenang abrasi setra punika. “Daweg dumun wantah 10 warung manten sane kauningan ke BPBD Tabanan. Kawentenang tanah setra abrasi pacang gelis kauningan mangda gelis kekayunin lan karerehang pemargi olih BPBD Tabanan,” baosne nyineb. [bbn/nod/mul]
Berita Tabanan Terbaru
Reporter: bbn/rls
Iklan Sponsor
Iklan Sponsor
Iklan Sponsor
Iklan Sponsor
