Koster Mastikayang Trans Metro Dewata Buin Majalan
beritabali.com/ist/Koster Mastikayang Trans Metro Dewata Buin Majalan
GOOGLE NEWS
BERITABALI.COM, DENPASAR.
Gubernur Bali Wayan Koster buin negesang komitmenne rikala mucehang pikobet kemacetan di wawidangan metropolitan Denoasar ngajak Badung malarapan ngarevitalisasi layanan bus Trans Metro Dewata.
Indike ene orahanga Koster rikala dadi inspektur upacara mingetin HUT Kota DEnpasar ke-237 di Lapangan Lumintang, Waraspati, 27 Februari 2025.
Satondenne, layanan Trans Metro Dewata ene maan kena pikobet operasional krana reredne okupansi muwah pikobet paridana, ane ngawinang panglimbakne katakonang.
Sakewala, Koster nolih potensi ane gede rikala sistem transportasi ini kajalanang optimal. Iye mikukuhin lakar menain makudang-kudang parindikan apang layanan bus ene sida dadi panyawis mobilitas krama Bali.
“Krama Bali ngedotang transportasi publik ane trepti, mudah, muwah ane sida kaumandelang. Ento ane makada, titiang ajak makejang lakar mastikayang Trans Metro Dewata buin mawali majalan optimal pinaka pah-pahan panyawis anggon kanti kapungkur wekas,” teges Koster.
Indike ene maan panyawis ane luung uli makudang-kudang paletan krama, rumasuk Wali Kota Denpasar I Gusti Ngurah Jaya Ngera, wawidangan DPRD, muwah Forkopimda Denpasar, ane suba nureksai kebijakan ene pinaka pajalan ane strategis rikala nincapang infrastruktur muwah mobilitas kramane.
Malarapan pangremba pawangunan jalan ane anyar muwah nyokong layanan transportasi publi, Bali ngalimbak nuju riwekas ane sayan modern, tusing ada macet, muwah ramah lingkungan.
Pidabdabe ene mase apamargi ngajak visi pawangunan ane state ngalimbak ane ngamaang tongos transportasi publik pinaka solusi ane utama rikala mucehin kakosekan lalu lintas di Bali.
Editor: Putu Ayu Candra Dewi
Reporter: bbn/tim
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
