Barang Bukti Hampir 300 Gram Shabu, Kalih Terdakwa Wantah Keni Atiban Penjara
Kamis, 30 Agustus 2018,
09:23 WITA
Follow
beritabali.com/ist
IKUTI BERITABALI.COM DI
GOOGLE NEWS
BERITABALI.COM, DENPASAR.
Beritabali.com,Denpasar. Sekeha jatma corah narkoba Lapas Madiun Asep Kurnia (38) lan kantetane Tan Candra Susanto utawi mapungkus Koko (56) wantah kahukum penjara awarsa.
[pilihan-redaksi]
Hukuman punika menawi binyul, santukan makakalih jatma corah punika sampun mabukti ngeraksa narkoba langkung saking 200 gram utawi sekirang-kirangne 300 gram.
Hukuman punika menawi binyul, santukan makakalih jatma corah punika sampun mabukti ngeraksa narkoba langkung saking 200 gram utawi sekirang-kirangne 300 gram.
"Dane makakalih utawi terdakwa sampun mabukti iwang lan katuntut penjara sane suene awarsa,"1 tahun penjara," punika daging sewalapatra tuntutan sane kawacen JPU IGN Alit lan Wayan Sutarta ring ajeng hakim sane kapimpin Wayan Kawisada SH, Buda (29/8) ring PN Denpasar.
Mireng tuntutan punika, terdakwa sane kasarengin Penasehat Hukum Edward Pangkahila pacang ngaturang pa-pela majalaran sewalapatra utawi tertulis.
Sekadi dakwaan sane kawacen punika Jaksa Penuntut Umum nguningayang terdakwa kaejuk olih anggota Direktorat Resese Narkoba Polda Bali kasarengin tim Counter Transnational and Organized Crime (CTOC).
Terdakwa kasengguh jatma corah utawi sindikat narkotika jaringan lembaga pemasyarakatan (LP) ring Madiun. Ring pemargine punika dane amangkinan masawitra reket sareng bogolanBayu Sri Hartawan bin Wahyu Kurnia mapungkus Bokir (31) sane taler maejuk saking Lembaga Pemasyarakatan Kelas I A Madiun, Jawa Timur.
Asep Kurnia kaejuk ring genah nyane madunungan inggih punika ring Jalan Sekar Tanjung X Nomor 36A Banjar Kerthagraha, Kelurahan Kesiman, Denpasar Timur.
Daweg punika petugas nenten ngemangguh barang bukti ring kamar terdakwa. Sakemaon, disampun antuk gupuh pare petugas nganureksa, terdakwa pamuputne ngaku iwang lan nguningan barang bukti wenten mobilne sane nedeng parkir ring natah genahne madunungan.
Petugas raris ngemangguh narkoba jenis shabu ring sor setir mobil sane kakepah 5 paket mabaat 24,50 gram bruto. Tiosang punika dane taler ngangken kantun ngengkebang narkoba ring cawetne mabaat 102,96 gram bruto lan ring dompetne mabaat 100,96 gram brutto.
“Makasami narkoba punika kepanggih ring tigang genah inggih punika ring mobil, cawet lan dompet dane,” baos Jaksa.
Interogasi majeng makakalih punika nenten puput asapunika. Petugas raris ngelaksanayang pendalaman lan ngaricikan pengakune sami. . Tersangka malih ngaku ngengkebang shabu ring kos-kosan lad kurenanne ring Jalan Mulawarman nomor 144 Banjar Tedung, Desa Abianbase Gianyar
Ring genah punika kepanggih shabu mabaat 124,12 gram sane kaengkeban ring toples. Majeng petugas, tersangka ngangken sami narkotika jenis Shabu punika kapolihang saking sinalih tunggil bogolan seorang mawasta Bayu Sri Hartawan bin Wahyu Kurnia mapungkus Bokir sane mapenjara ring lembaga pemasyarakatan Kelas I A Madiun, Jawa Timur.
[pilihan-redaksi2]
“Pengangken nyane, wantah nampi pituduh saking Napi di LP Madiun punika. Dane ngambil shabu antuk tatempelan ring wewidangan Jalan Gatot Subroto raris kebakta ke kosane lantur kakepah sedurung kawedar malih manut pabesen Napi punika.
“Pengangken nyane, wantah nampi pituduh saking Napi di LP Madiun punika. Dane ngambil shabu antuk tatempelan ring wewidangan Jalan Gatot Subroto raris kebakta ke kosane lantur kakepah sedurung kawedar malih manut pabesen Napi punika.
Saking barang sane sampun payu mabaat laku 1 ons, terdakwa polih upah 2 yuta rupiah," baosne.
Saking Pengangken Asep Kurnia, narkoba sane katampi saking Bayu Sri Hartawan bin Wahyu Kurnia mapungkus Bokir punika pengargane Rp 328 juta.
Barang bukti punika kaambil olih tersangka Anjas Sugiarto saking krama mawasta Tan Candra Susanto alias Koko (56) ring Surabaya. (bbn/maw/rob)
Berita Denpasar Terbaru
Reporter: bbn/rls
Iklan Sponsor
Iklan Sponsor
