Kasuksman Soma Ribek Pinaka Hari Pangan Duwe Bali
bbn/ilustrasi/Kasuksman Soma Ribek Pinaka Hari Pangan Duwe Bali.
GOOGLE NEWS
BERITABALI.COM, DENPASAR.
Soma Ribek utawi Senin (Soma) wara Pon wuku Sinta utawi rahina sane tedun ring kalih rahina risampune Rahina Suci Saraswati state ketah kabosan pinaka Hari Pangan padruen Bali.
Sane ngawinang indike punika, duaning ring Soma Ribek, krama Bali kaelingang ngeninin indik kautaman pangan ring kahuripan, santukan eling yening nenten wenten pangan jadmane naler nenten sida maurip miwah ngamarginin urip ipun.
Ring silih tunggil artikel sane mamurda “Hari Soma Ribek dan Kutukan Dewi Sri” sane kamuat ring mantrahindu.com kabaosang yening manut ring tradisi Bali tata cara ngaluhurang panugrahan ibu pertiwi inggih punika malarapan antuk ngupapira miwah nyiwiang naler nandur sakancan tetanduran wit kahuripan.
Duaning pidabdab matetanduran boya ja wantah sida ngicen pikolih urip sakemaon naler pacang neduhin pertiwi.
Sios ring punika, munggah ring swarahindudharma.com kabaosang yening sane kaastitiang rikala Soma Ribek inggih punika Sang Hyang Tri Pramana luirnyane : Dewi Sri, Bhatara Sadhana, miwah Dewi Saraswati, malarapan antuk ngaturang upakara ring jineng miwah ring pulu.
Editor: Redaksi
Reporter: bbn/tim
