Bali Buin Makatang Predikat “Pulau Terbaik” Di DestinAsian Readers’Choice Awards 2025
beritabali/ist/Bali Buin Makatang Predikat “Pulau Terbaik” Di DestinAsian Readers’Choice Awards 2025
GOOGLE NEWS
BERITABALI.COM, DENPASAR.
Bali buin negesang statusne dadi dadi destinasi wisata ane kasub tur unggul malarapan kaadegangne dadi pulau paling luunga tur favorite di parikrama ajang DestinAsian Reader’s Choice Awards 2025. Parikrama ne ene sida kalaksanayang dugase 7 Maret 2025 di Ayana Resort Ballroom Bali.
Dadi Top Island Destination, Bali sida ngasorang destinasi wisata ane kasub lenan, rumasuk Maldives. Pikolihe ene katerima olih Wakil Menteri Pariwisata, Ni Luh Puspa, ane suba ngamaang apresiasine ajak makejang pihak ane suba marengin ngupapira kaluihan tur kelestarian budaya Pulau Dewata.
“Tiang jak makejang ngaturang penghargaane ene ajak pemerintah tur sang angawerat ane suba stata mautsaha nyaga kawerdian budaya ajak palemahan Bali, mabarangan ajak ento, utsaha ngawangun pariwisata ane makualitas tur ngalimbak,” munyinne Ni Luh Puspa.
Lenan teken Bali, makudang-kudang destinasi tur layanan ane unggul lenan mase maan penghargaan. Bangkok maan dadi Top City Destination, Singapore Changi Airport maan dadi bandara ane paling luung. Ane maan dadi maskapai paling luung, Singapore Airlines buin maan tongos paling tegeh di makudang-kudang kategori.
Garuda Indonesia mase maan prestasi kaadegang di peringkat ke-6 dadi maskapai paling luung tur di peringkat ke-4 program frequent flyer uli Garuda Miles.
Ajang penghargaane ene istimewa pesan malarapan panyokong uli makudang-kudang sponsor ane kasub, buka Ayana Resort Bali, Glenfiddch, Hendrick, Nespresso, tur King Koil ane ngamaang pengalaman eksklusif para tamiune ane teka.
Pikolih Bali ene nyumingkin ngukuhang kakasubanne dadi destinasi wisata kelas dunia tur nyihnayang komitmen rikala nyihnayang pariwisata ane ngalimbak tur makualitas. (Sumber : goodnewsfromindonesia.id)
Editor: Putu Ayu Candra Dewi
Reporter: bbn/net
Iklan Sponsor
Iklan Sponsor
