PUPR: Pitu Kecamatan di Tabanan Masuk Kategori Kumuh

Rabu, 29 Agustus 2018, 08:30 WITA Follow

beritabali.com

IKUTI BERITABALI.COM DI
GOOGLE NEWS

BERITABALI.COM, TABANAN.

Beritabali.com,Tabanan. Dinas Pekerjaan Umum lan Penataan Ruang Perumahan Rakyat dan Kawasan Pemukiman (PUPR PKP) Tabanan ngorahang, ada pitu kecamatan di Tabanan masuk kategori kumuh/resem.

Pitu Kecamatan ane kumuh ento Kecamatan Baturiti, Kecamatan Pupuan, Kecamatan Tabanan, Kecamatan Kediri, Kecamatan Marga, Kecamatan Selemadeg, ajak Kecamatan Kerambitan.

Kepala Bidang Pemukiman Dinas (PUPR PKP) Tabanan, I Gusti Agung Gede Kamasan, nyelasang, luas kawasan kumuh di Kabupaten Tabanan uli tahun 2014 kanti taun 2018 liune 116, 35 hektar.

Jumlah kawasan kumuh nenenan tetap kanti tahun 2018, kerana pemerintah Tabanan mare ngidaang nanganin telu kategori uli pitu kategori kawasan kumuh.

Telu kategori ane suba tanganina: jalan lingkungan, drainase, ajak yeh limbah. Sisane buin papat kategori, penyediaan yeh minum, sanitasi, pengelolaan lulu, dan perlindungan kebakaran, onden bisa tanganina makejang.

"Ane suba tanganina jani sekitar 85,51 persen, nu buin 26,51 persen atau masisa 30,84 persen," jelas Kamasan Selasa (28/8) di kantorne.

Menurut Kamasan, wilayah ane orahanga kumuh kerena ada bangunan ane sing memenuhi syarat, jumlah bangunan sing teratur jarakne ajak posisi kenyaman penghuni.

Kategori kumuh ane lenan: tingkat kepadatan penduduk tinggi, sing ngelah tongos ngutang lulu, sing ngelah sarana proteksi kebakaran, kabel listrik di bangunan sing beraturan, ajak sai ade warga morbor lulu di pemukiman.

"Di pitu kecamatan kategori kumuh, makejang permasalahan nenenan rata-rata ada," ucapne. [bbn/nod/psk]