Kejari Bangli Nyelehin Parindikan Panyutetan Pis Saku Perdin Perangkat Desa

Selasa, 4 Maret 2025, 10:32 WITA Follow

beritabali/ist/Kejari Bangli Nyelehin Parindikan Panyutetan Pis Saku Perdin Perangkat Desa

IKUTI BERITABALI.COM DI
GOOGLE NEWS

BERITABALI.COM, BANGLI.

Pemerintah Kabupaten Bangli buin kena pikobet hukum. Sasubane ipidan Kejaksaan tinggi (kejati) Bali nerima laporan parindikan dugaan pemerasan muwah panyutetan gaji pejabat Pemkab Bangli, jani Kejaksaan negeri (kejari) Bangli tengah nyelehin buin laporan parindikan kagetepne utawi len raosne panyutetan pipis saku Perjalanan Dinas (Perdin) perangkat desa.

Kasi Intelijen Kejari Bangli, I Nengah Gunarta, nyobyahang yening pihakne suba nerima laporan ane mapaiketan ajak parindikan panyutetan pipis saku perjalanan dinas ane kaanggon baan kepala dusun, kepala lingkungan muwah bendesa adat olih Dinas Pemberdayaan Masyarakat Desa (PMD) Bangli.

“Yening anutang ajak aturanne, tiang ajak makejang di intel suba dogen ada laporan, ento patut kalanturang. Binjepan yening saja ape tusing ento ada pakibehne tusing nganutin hukum, ento kabakatang uli hasil lidik” tegesne rikala kaalih dugas Soma (3/3/2025)

Yadian suba ngalaksanayang penyelidikan, Gunarta negesang yening proses lidik enu mase masifat matutup.

“Tiang ajak makejang enu masobyahan di lapangan, konden ada hasil, Enu matutup, Binjebos yen suba ada hasilne pasti lakar kaorahang infone ane resmi ke timpal-timpal media,” pawewehne.

Sumber ane lenan uli kejaksaan ngorahang yening makudang-kudang perangkat desa ada ane ngarenggengang wilangan pipis saku perdin ane iye tarima tusing anut ajak ane sepatutne.

Iye ajaka makejang tuah narima pipis saku ane wilanganne Rp 615.000,- anggon telung wai pajalan dinas, nanging sepatutne ento narima pipis Rp 1.320.000,- manut ajak wilangan Rp 440.000,- awai.

“Pajalan dinas ento di bulan November 2024, satonden Pilkada. Ada dadua pajalan, ke Banyuwangi muwah Lombok. Ane kalaporang ento ane perdin ke Banyuwangi. Miribang ane ke Lombok tusing buka keto,” sapangorahan sumber ane tusing nyak kasobyahang adanne.

Lenan teken ento, proses nyairang pipis saku ene mase karasayang tusing anut. Ane normal, pipis saku katransfer ke rekening pamilet, nanging di unduke ene, pipise ento kabaang tunai ajak staf PMD.

“Pamilet suba kaorahin apang nyetor nomor rekening, nanging rikala nyairang ento jeg baanga tunai. Ene ane dadi patakon,” paweweh sumbere ento.

Krana ada parindikan buka kene, krama Bangli ngantiang panyeleh uli Kejari Bangli. Yening suba mabukti ada ane tusing nganutin hukum, kasus ene bisa dadi pintu macelep penegak hukum anggon nyelehin buin katengah parindikan lempas teken hukum di widang pamerintahan daerah.

Berita Bangli Terbaru

•

Viral! Aksi Perundungan di Kintamani terhadap Pria Disabilitas, 13 Remaja Terlibat

•

Enam Kepala OPD Bangli Dipanggil Kejati Bali, Sekda: Bukan Kasus Pemerasan

•

SMPN 1 Bangli Dukung Penerapan Sistem Belajar dari Rumah Bagi Siswa Muslim

•

Bulan Bahasa Bali VII di Bangli: Melestarikan Budaya di Tengah Kemajuan Teknologi

•

7 Ramuan Herbal Ampuh untuk Mengatasi Sinusitis Secara Alami

Editor: Putu Ayu Candra Dewi