De Gadjah Nguratiang Manggala Daerah Di Bali Ane Tusing Milu Retret
beritabali.com/ist/De Gadjah Nguratiang Manggala Daerah Di Bali Ane Tusing Milu Retret
GOOGLE NEWS
BERITABALI.COM, DENPASAR.
Ketua DPD Partai Gerindra Bali, Made Muliawan Arya ane sesai kaukina De Gadjah, nguratiang paripolah makudang-kudang manggala daerah di Bali ane tusing milu retret di Akademi Militer (Akmil) Magelang.
Retret ento marupa program Presiden prabowo Subianto sasubanne kalaksanayang pelantikan kepala daerah dugas Waraspati, 20 Februari 2025, di Istana Negara.
Katarka, tusing milunne para manggalane ento kakranayang ulian ade intruksi Ketua Umum PDIP Megawati Soekarnoputri apang manggala daerah uli kader PDIP ngawangdeang milu retret ento.
Instruksi ene pesu rikala situasi politik ane mamanes, sasubanne Sekjen PDIP Hasto Kristiyanto kajuk Komisi Pemberantasan Korupsi (KPK) mapaiketan ajak kasus suap miwah perintangan penyidikan mapaiketan ajak Harun Masiku.
De Gadjah ngorahang dahat mautama yening manggala daerah ngnutin arahan uli Presiden pinaka murdhaning jagat ane suba kajantenang baan rakyate.
“Cutetne manggala daerah ane suba kapilih baan rakyat, kepala daerah patut nginutin instruksi uli Presiden. Krana ene program Presiden, sepatutne teka (milu retret). Nanging yening tusing teka, ento mawali buin ke kebijakanne soang-soang. Nyak je ngamilunin partai, durusang. Tiang tusing komentar yen suba urusan internal partai, yening urusan rakyat ento ane lakar tiang komentarin. Nggih, yening suba urusan internal partai tiang tusing komentar,” munyin De Gadjah, Saniscara (22/2/2025).
Editor: Putu Ayu Candra Dewi
Reporter: Gerindra Bali
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
