Kautaman Vaksinasi Influenza Di Bali Anggon Ngelidin Penyakit
beritabali/ist/Kautaman Vaksinasi Influenza Di Bali Anggon Ngelidin Penyakit
GOOGLE NEWS
BERITABALI.COM, DENPASAR.
Matinne artis uli Taiwan Barbie Hsu, ane kasub uli drama Meteor Garden ulian pneumonia rikala iye mayusa 48 tiban, ngae makudang-kudang negara ngaretang kebijakan kesehatan.
Yadian Indonesia konden matutang vaksinasi influenza, dokter spesialis penyakit dalam RS Prof. Ngoerah Denpasar, dr. Kartika Tejawati, negesang yening vaksine ene dahat utama anggon di krama Baline.
“Vaksinasi influenza patut pesan kalaksanayang olih krama Bali, krana makudang-kudang faktor, buka faktor gaya hidup kanti faktor cuaca di Bali ane bekan ngelah panieb ane tegeh awinan sida ngae panglahlah virus ane enggal,” teges dokter ane hobi traveling ene.
Vaksinasi influenza ngelah kawigunan utama ane sida anggon nuunang resiko kena flu miwah nambakin panglahlah virus, utamanne di musim ujan cara pangawit warsa 2025 ane suba kasurat curah hujan ane tegeh di Bali.
Manut kadi dr. Kartika, yening suba mavaksinasi, produktivitas pagaen krama pastika suba state kajaga yadian cuacane ane sing bes sanget luung.
Kelompok ane kapatutang kena vaksin influenza ngalikub cerik-cerik, petugas kesehatan, anak beling, lansia, muwah anak ane kena penyakit kronis buka diabetes, penyakit ginjal, jantung, paru-paru, autoimun, tur HIV.
Vaksin ne patut state kaalih nyabran 6-12 bulan apang state efektif magehin deweke uli virus flu ane state bermutasi.
“Ene duaning palet-paletan virus influenza ane begeh tur enggal bermutasi. Len raosne, virus ane ngaenang flu ento sida ngalimbak nganutin pamargin galahe,” munyin dokter ane lekad mazodiak Leo ene.
Yening suba nincapang pangeling kramane teken vaksinasi, kaaptiang risiko panglahlah penyakit sangkaning virus influenza sida kapucehang, utamanne di widang ane tingkat mobilitasne tegeh care di Bali.
Editor: Putu Ayu Candra Dewi
Reporter: bbn/tim
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
