Gerindra Bali Negesang Soliditas, Nyarengin Prabowo Ring Pilpres 2029
beritabali/ist/Gerindra Bali Tegaskan Soliditas, Dukung Prabowo untuk Pilpres 2029.
GOOGLE NEWS
BERITABALI.COM, DENPASAR.
Kongres Luar Biasa (KLB) Partai Gerindra ring rahina Wrespati (13/2/2025) resmi nyantenang Prabowo Subianto pinaka manggala Dewan pembina miwah Ketua Umum partai gerindra ring periode selanturnyane.
Siosan punika, KLB punika naler igum ring pencalonan Prabowo pinaka presiden ring Pemilu 2029. Nampenin indike punika, Manggala DPD Partai Gerindra Bali, Made Muliawan Arya utawi De Gadjah, maosang yening indike punika nyihnayang soliditas Partai Gerindra sane state mapatitis pangadeg manggala Prabowo.
“Paigum KLB puniki negesang yening Gerindra pacang state solid miwah masikian ring komando saking Pak Prabowo. Puniki naler manados cihna yening dane wantah figus sane sida nyikiang miwah manggala sane kaaptiang sida makta Indonesia ngalimbak,” baos De Gadjah.
Manut sekadi dane, Gerindra Bali sayaga ngamargiang panikan partai miwah state mikukuhin basis dukungan ring Pulau Dewata.
Ring pidato rikala Puncak Perayaan HUT Ke-17 Partai Gerindra ring Sentul, Bogor, Saniscara (15/2/2024) Prabowo naler negesang kautaman saling nyinggihang kamanggalan sadurungnyane miwah ngedohin politik sane saling ngasorang. De Gadjah naler ngwehin apresiasi ring indike punika miwah negesang yening gerindra Bali pacang nglaksanayang politik sane positif.
“Pabesen Pak Prabowo puniki manados pinget majeng ring iraga sareng sami mangda nenten wenten ring politik sane saling ngasorang. Gerindra Bali state susatya ngawangun politik sane positif, saling nyinggihang para manggala sane sampun akeh maduwe jasa, miwah nuek ring karya sujati majeng ring krama,” baosne.
Pinaka partai sane utama ring pemerintahan, Gerindra pacang ngamargiang swadharma mageng rikala ngamargiang program-program strategis. De Gadjah mastikayang yening Gerindra Bali pacang sareng rikala ngamargiang agenda nasional partai.
“Puniki galahne kader Gerindra ring daerah, rumasuk ring Bali, nyihnayang pakaryan sane apemargi ring visi ageng Pak Prabowo. Titiang sareng sami iriki sayaga ring panikan partai anggen ngaruruh kebijakan sane ngawi para kramane mangguh kasubagian,” panguntat dane.
Malarapan antuk pikayunan sane egar angabar-abar saking Prabowo ring KLB miwah HUT ke-17 partai, Gerindra Bali matetujon manados sane paling ajeng rikala nyarengin Prabowo -Gibran miwah mastikayang Bali sayan ngalimbak.
Editor: Putu Ayu Candra Dewi
Reporter: Gerindra Bali
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
