Koster Ngentosin Desa Wisata Dados Desa Budaya
beritabali/ist/Koster Ngentosin Desa Wisata Dados Desa Budaya
GOOGLE NEWS
BERITABALI.COM, DENPASAR.
Ngadeg Gubernur Wayan Koster mapikayun ngicalan nomenklatur desa wisata saking konsep pariwisata ring Bali.
Koster mapikayunin ngentosin nomenklatur desa wisata nganggen desa budaya mangda kawentenan budayane kantun werdi.
“Titiang pacang ngicalang nomenklatur desa wisata raris pacang gentosin titiang antuk desa budaya,” baos Koster ring Art Center Saniscara (15/02/2025).
“Dadosne budaya sane ring ajeng, yening desa wisata sane ring ajeng lintangan pragmatis, kakaonin budayannyane,” paweweh dane.
Gubernur Bali periode 2018-2023 punika pacang ngaryanin ring wangun pergub utawi surat edaran pangentosan nomenklatur punika.
Dane nyobyahang budaya Bali marupa unteng saking wisata Bali, mawinan budaya sane patut polih genah sane becik miwah kaupapira malarapan antuk makudang-kudang utsaha.
Baca juga:
Sawa Anak Lanang Ring Wana Pancasari Sane Manados Korban Pembunuhan, Tatiga Anak Istri Kajuk
“Yening sampun budaya kaupapira, nenten kantos ngulemin para janane (wisatawan) pacang rauh duaning wenten sane ngulangunin. Dadosne budayane patut kaupapira duaning irika ekonomine,” baos Koster.
(Sumber: Balitopik.com)
Editor: Putu Ayu Candra Dewi
Reporter: bbn/tim
