Bupati Badung Ngingetin Panepas Cuaca Ekstrem: Iraga Tusing Dadi Nyampahang
beritabali/ist/Bupati Badung Ngingetin Panepas Cuaca Ekstrem: Iraga Tusing Dadi Nyampahang
GOOGLE NEWS
BERITABALI.COM, BADUNG.
Nampenin cuaca ekstrem ane ada i makudang-kudang wawidangan di Bali dina-dinane ane suba liwat ene, Bupati Badung, I Wayan Adi Arnawa, negesang kautaman pidabdab antisipatif.
Buka munyinne dugase di Puspem badung, Soma (24/3/2025), ia negesang pesan yening koordinasi lintas daerah patut kalaksanayang uli jani.
Baca juga:
De Gadjah Buin Ngamanggalanin Pertina Bali
“Eda ngantiang pancabayane nekain. Satonden ada paundukan ane kaon iraga patut suba nepasin potensi ane sida ngaenang baya,” munyin Bupati Arnawa.
Iye ngamaang apresiasi ajak pidabdab sigap instansi ane mapaiketan buka Dinas kehutanan (DHK) tur Badan Penanggulangan Bencana Daerah (BPBD) ane suba ngalaksanayang pangenteban punyan-punyanan anggon nepasin punyan-punyanane ebah krana cuaca ane tusing luung.
Lenan teken ento, ia mase ngidih apang makejang perangkat daerah ngutamayang parindikan layanan publik, utamanne rikala nampenin ius cuaca ekstrem.
Bupati Arnawa mase nguratiang potensi pangulgul di widang pariwisata ulian cuaca buruk.
“Iraga tusing dadi nyampahang. Katreptian wisatawane patut kajaga apang Badung state dadi destinasi ane unggul,” munyinne.
Iye mase ngawewehin, krana paundukan cuaca ne ane tusing ngidaang katarka, iye ngorasin kramane apang sumingkin yatna tur waspada, utamanne rikala majalan ke sorot Bali daja-dajanne rikala tengai kanti sanja, ane rawan kena ujan badai.
Editor: Putu Ayu Candra Dewi
Reporter: bbn/aga
Iklan Sponsor
