Sekehe Gong Istri Kamasan Ngawit Ngayah Nabuh ring Pura Puseh lan Desa DPKT

Jumat, 31 Agustus 2018, 23:50 WITA Follow

beritabali.com/ist

IKUTI BERITABALI.COM DI
GOOGLE NEWS

BERITABALI.COM, TABANAN.

Beritabali.com,Tabanan. Yadiastun wau melajah nabuh petang sasih, sekehe gong istri Banjar Pekraman Kamasan, Desa Dajan Peken, Tabanan sampun prasida neleb petang tabuh. Sekehe gong istri punika raris purun ngaturang ayah nabuh ring panyejeran karya pujawali Pura Puseh Desa Adat Kota Tabanan (DPKT) Sukra Pon wuku Prangbakat (31/8).

[pilihan-redaksi]
Manggala sekehe gong istri Banjar Kamasan Ni Kadek Meirayanti majeng juru warta beritabali.com matur, sekehe gong puniki embas saking manah bangga antuk kawentenang makudang-kudang potensi sane wenten ring wewidangan banjar Kamasan.

“Saking suwe sampun banjar titiang namiang gong abarung. Antuk kawentenang punika lan makeh banjar tiosang sampun medue sekehe gong istri, titiang sareng prajuru istri ring banjar cumpu nangiang sekehe gong istri duk petang sasih lintang, ucap dane.

Mangdane neleb menabuh, dane raris ngerauhang juru uruk saking Sanggar Leklok sane magenah ring Banjar Pasekan Baleran, inggih punika krama sane sampun kaloktah dados juru uruk sekancan tabuh, Wayan Tayung.

Rikalaning ngurukan sekeha tabuh istri Kamasan punika, Tayung taler kasarengin kelian adat Banjar Kamasan I Dewa Nyoman Rai lan sinalih tunggil kramane, Kadek Jengki.

“Dane makatiga sane tan waneh ngurukang titiang mangda uning ring gending-gending tabuh. Swecan Widhi, disampun petang sasih tiang melajah, sampun prasida nampa petang gending," baosne.

Disampun uning petang tabuh, rabin kelian dinas Banjar Kamasan I Gusti Agung Setiawan, S.Sos., ini ngangken tan pacang surud melajah mangda ngangsan makeh uning gending tabuh.

[pilihan-redaksi2]
Raris maosang indik ayah-ayah penyumune ring Pura Puseh DPKT iwawu, dane nganggane sekehe nyane ngangken bagia lan nyuksemayang manah sampun presida ngaturang ayah.

Pungkuran sekehe gong puniki pacang ngangsan sering ngayah ring kayangan. Taler ring khayangan-khayangan sane wenten tios saking wewidangan Kota Tabanan.

“Majaran ngayah nabuh punika titiang kukuh sutindih lan ngajegang seni budaya Baline," tegesne raris ngambil panggul jagi nabuh. (bbn/Rah/rob)

Berita Tabanan Terbaru

•

Operasi Jagratara, 687 WNA Terjaring dalam Penindakan Keimigrasian di Indonesia

•

Warga Pupuan Belum Ditemukan, SAR Gabungan Sisir Radius 1 Kilometer

•

Semangat I Gusti Ngurah Rai Jadi Inspirasi di Peringatan Hari Puputan Margarana ke-78

•

Bali Rawan Gempa, Dua Desa Ini Raih Pengakuan UNESCO Sebagai Komunitas Siaga Tsunami

•

Atasi Overkapasitas, Bali Berencana Relokasi Lapas Perempuan Kerobokan ke Tabanan