Pertamina Grand Prix of Indonesia utawi MotoGP Mandalika lakar kalaksanayang di Pertamina Mandalika International Circuit, Lombok Tengah, NTB, 3-5 Oktober 2025. 

Mapaiketan lakar nyanggra ajang balap motor ane paling kasub ene, MGPA lakar ngadaang pananjen pangargan tiket ane spesial Early Bird MotoGP 2025 kanti 28 Februari 2025. 

Tiket ane prabeanne paling luungne eksklusif ade di www.themandalikagp.com ngawit uli Rp.140.000, iraga ane meli suba ngidaang dadi pahan uli program Early Bird. 

Direktur Utama MGPA, Pirandhi Satria, negesang, kanti per dina Buda, 19 Februari 2025, tiket Early Bird MotoGP Mandalika ane suba telah maadep silih tunggilne ade Premium Grandstand Zona A,B,C,J muwah K. 

“Sejoh ne 2 kategori tiket Early Bird ane lenan mase suba sayaga lakar telah nanging nu ada silih tunggilne VIP Deluxe Class, VIP Luxury Tent, muwah Reguler Grandstand E,G,H,I,” teges Priandhi. 

Kaorahang baan Priandhi, diskon gede lakar baange di paletan kapertama ane lakar nyasan telah maekang di dina kalaksanayang parikramanne, kanti pamuputne tusing ade diskon buin. Diskon ane paling gede tur begeh ento ade di kategori Premium Grandstand tur Standar Grandstand ane ngelah diskon kanti 60 persen. 

“Tiket VIP Hospitality, VIPDeluxe Class, ane simalunne pangarganne Rp. 15.000.000, jani sida kabakatang di pangarga Rp. 11.250.000. Keto mase ajak VIP Luxury Tent di zona T1, D, F, muwah G, ane simalunne Rp. 7.750.000 jani dadi Rp. 5.812.500. Nanging, prabea ane spesial ene wantah ada kanti 28 Februari,” Priandhi ngorahang.

Ane kategori Grandstand, prabea tiketne mase ada diskon ane luung. Premium Grandstand A tuun uli Rp. 1.750.000 dadi Rp. 612.500, yening Premium Grandstand B, C, J, muwah K uli 900.000 dadi Rp. 315.000. Apabuin, Grandstand E,G,H, muwah I jani wantah Rp.140.000 uli simalunne Rp. 400.000.

Ene ngawewehin pengalaman ane eksklusif iraga dadi penonton, Wakil Direktur Utama MGPA, Samsul Purba, nyihnayang kategori ane paling anyar, VIP Luxury Tent. 

Ane magenah di zona strategis T1, D, F, muwah G, tongose ene nanjenang kaluwihan ane ngalantur kanti ke tongos aksi ane paling ngae nerugtug di sirkuit. 

“VIPLuxury Tent ngamaang rasa trepti ane maksimal duaning ade makudang-kudang layanan premium, ento ane ngawinang ene marupa pilihan ane ideal majeng ring penonton ane dot ngarasayang IndonesianGP 2025 malarapan pengalaman ane istimewa,” pawewehne.

Tiket Spesial Periode Early Bird kaadep eksklusif di www.themandalikagp.com ane periodene cutet, ngawit uli 8 kanti 28 Februari 2025. 

Pinaka informasi, progra Early Bird ene marupa pahan uli strategi anggo ngamaang galah apang sida ngarasayang balapan MotoGP malarapan prabea ane mudah. 

ITDC muwah MGPA lakar mastikayang yening bekan ane demen MOtoGP sida ngarasayang kenken keseruan balap kelas dunia di The Mandalika. 

Malarapan pananjen pangarga ane spesial ene, MGPA mapangapti antusiasme kramane sida sayan nincap, sibarengan mase nyokong panglimbak kunjungan wisata ke Lombok.