Guru wisesa jagat bali mastikayang lakar ngetetang awig-awig “Alih Fungsi Lahan Produktif” dadi wawidangan komersial. 

Gubernur Bali Wayan koster nganikaang warsane ene pihakne lakar ngawitin nabdabin pangrancana awig-awig daerah (perda) ngindikan panepas alih fungsi lahan. 

Pidabdabe ento dadi panampen sangkaning ada panikan Menteri Lingkungan hidup Hanif Faisol Nurofiq, ane nureksain konversi lahan mase ngaranayang blabar gede ane nibenin Bali dugase 10 September ane suba liwat. 

“Uli warsane ene, (nabdabin perda) saja, suba ada instruksi ane tuun ka Bupati tur Wali Kota sawawidangan bali”, baos dane di Denpasar, Redite (14/9). 

Koster negesang, sasubane panepas blabar, guru wisesa di saluir wawidangan tusing lakar buin mesuang izin ngawangun hotel, restoran, keto mase fasilitas komersial ane lenan di duur lahar produktif, utamanne carik. 

“Tur sasubane panepas blabare ene, iraga lakar mapupul buin, apang tusing ada buin masuang izin, ngamaang izin teken hotel, restoran, fasilitas-fasilitas lenan ane ngawigunayang lahan produktif apabuin carik”, pangalantur Wayan Koster. 

Perdane ento kaaptiang pragat tur sida kaanggon uli warsa 2025 apamargi teken Haluan pembangunan 100 Tahun Bali Era Baru (2025-2125). 

“Uli warsane ene (panepas aluh fungsi lahan) manut teken haluan Bali 100 tahun, ngawit uli 2025 suba tusing dadi buin ada alih fungsi lahan produktif anggon fasilitas komersial,” baos Koster. 

Awig-awige ene mase lakar negesang pesan saluir izin pawngunan paumahan (hunian pribadi). Pemrpov Bali tuah lakar ngamaang pawangunan paumahan teken ane ngelahang wawidangan ane suba yukti-yukti kaoyongin, boya tuah anggona pidabdab bisnis dogen 

Lenan teken ento, Meneteri LH Hanif Faisol nureksain kuangne pangebek wanane di wawidangan ane ada pangembah yeh tujade (DAS) dadi silih tunggil ane makada blabar gede nibenin Bali. Ia negesang kautaman moratorium alih fungsi lahan apang sida nyaga panyokong palemahane ane mase sida dadi pangemet pariwisata Bali. 

“Tiang sebenehne suba ngorahang teken Pak Gubernur dugase aminggu ane suba liwat, tiang mapangapti pesan Bapak Gubernur enggal nepasin konversi-konversi lahan di Bali, ento mautama pesan,” baos Menteri LH. 

Hanif mase ngidih apang pangalimbakpidabdabe pariwisata tusing buin kalaksanayang malarapan ban nyimbarang wawidangan anyar, nanging sida kalaksanayang ban optimalisasi gedung ane suba ada. 

“Tusing dadi ngalaksanayang pauwahan panyimbar krana tongosne suba tusing sida kaanggon nepasin kalibrasi alam ane len raosne palemahan, pastika ene tusing ngidaang ngawagin” baos Hanif Faisol. (sumber: cnnindonesia.com )