Akun
guest@beritabali.com
Beritabali ID: —
Langganan
Beritabali Premium Aktif
Nikmati akses penuh ke semua artikel dengan Beritabali Premium
Agustus, Mahasiswa Ane Paundukanne Kuangan Di Bali Maan Rp.1,4 Juta Sabilang Bulan
beritabali/ist/Agustus, Mahasiswa Ane Paundukanne Kuangan Di Bali Maan Rp.1,4 Juta Sabilang Bulan
beritabali/ist/Agustus, Mahasiswa Ane Paundukanne Kuangan Di Bali Maan Rp.1,4 Juta Sabilang Bulan
BERITABALI.COM, DENPASAR.
Gubernur Bali Wayan Koster resmi nyobyahang program unggulan “Satu Keluarga Satu Sarjana” ane lakar ngawit majalan uli Agustus 2025. Program ene lakar kabaang para lulusan SMA/SMK uli kulawarga ane paundukanne kuangan (kurang mampu) di sajebag jagat Bali.
Di program ene, sabilang mahasiswa ane nerima lakar maan wantuan parbea urip ane liunne Rp.1.400.000 abulan saenunne masuk kuliah.
Wantuane ento kaanggon mayah parbea kos, dadaran, tur transportasi.
“Program lakar ngawit kalaksanayang uli panampen mahasiswa anyar bulan Agustus 2025. Mapaiketan ajak wantuan prabeane ento ane liunne Rp. 1.400.000 bilang mahasiswa sabilang bulan kanti suud kuliah ento masumber uli APBD Semesta Berencana Provinsi Bali warsa 2025,” baos Gubernur Wayan Koster, Anggara (3/6).
Program ane kosokong baan enem likur perguruan tinggi negeri tur swasta ane ada di Bali ene maan panampen ane luung dugase patemon ajak Gubernur Koster, dugas Soma, 2 Juni 2025 di Ruang rapat Kertha Sabha, Jayasabha, Denpasar.
“Makejang rektor nyokong program gubernur Bali, krana tatujonne luih pesan anggon di pratisentana Bali ri wekas. Program a kulawarga abesik sarjana kaprioritasang baanga para lulusan SMA/SMK ane mawit uli kulawarga ane paundukanne kuangan (kurang mampu) di sajebag jagat Bali,” baos Gubernur Koster.
Gubernur uli Desa Sembiran ene nyobyahang skema pajalan program, luirne:
Perguruan tinggi negeri tur swasta ngamaang kuota ane nuek ajak prabea pendidikan gratis ane liunne 25-100 diri.
Perguruan tinggi negeri ngamaang pajalan ane aluh marupa Uang Kuliah Tunggal kategori 1 ane wilanganne Rp.500.000 sabilang semester tur kategori 2 ane wilanganne Rp.1.000.000 sabilang semester.
Politeknik Negeri Bali mungkah layanan Diploma 2 jalur Cepat (Fast Track) ane makelonne 3 semester tur prabeane tuah Rp.1.500.000, tur lulusanne lakar ngalantas maan ijazah D2 baga vokasi tur sayaga lakar magae.
Pemprov Bali mase ngamaang amongan tim khusus apang ngae tata cara teknis pajalan program apang sida beneh nibenin tur ngalimbak.
“Ene marupa silih tunggil komitmen Bali nuju riwekas ane ngelah daya saing, adil tur berkeadaban” baos Koster.
Editor: Putu Ayu Candra Dewi
Reporter: Humas Bali
Iklan Sponsor
Iklan Sponsor
Berita Terpopuler
Pedagang Pasar Kumbasari Cemas Tukad Badung Meluap Lagi
Dibaca: 186 Kali
Korban Hanyut di Ubud Ditemukan Tewas di Sukawati
Dibaca: 153 Kali
Halloween di Bandara Ngurah Rai Usung Mitologi Bali
Dibaca: 147 Kali
1.000 Personel Amankan Kejuaraan Dunia Vovinam di Buleleng
Dibaca: 120 Kali
ABOUT BALI
Film Dokumenter Hidupkan Kembali Sejarah Tari Kecak di Bedulu
Makna Tumpek Landep Menurut Lontar Sundarigama
Tari Sanghyang Dedari Nusa Penida Diajukan Jadi Warisan Budaya Tak Benda
Mengenal Tetebasan Gering, Topik Menarik di Festival Lontar Karangasem
29 Pasangan Ikuti Nikah Massal di Pengotan