Ngaba Sabu-Sabu, Oknum Mahasiswa Unud Juk Polisi

user@gmail.com

Beritabali ID: 738173817

Langganan

Beritabali Premium Tidak Aktif

Nikmati akses penuh ke semua artikel dengan Beritabali Premium

Ngaba Sabu-Sabu, Oknum Mahasiswa Unud Juk Polisi

Senin, 3 September 2018, 09:28 WITA Follow

beritabalicom/ilustrasi

IKUTI BERITABALI.COM DI GOOGLE NEWS

BERITABALI.COM, DENPASAR.

Beritabali.com, Denpasar. Tim Opsnal Resnarkoba Polresta Denpasar ngejuk oknum mahasiswa Unud AA Ngurah BPW (25) dugas ngaba 1 paket plastik klip misi sabu sabu di tengah tas selempangne. Iya mejuk di pinggir jalan Gunung Rinjani, Tegal Harum, Pemecutan, Denpasar Kauh, Selasa (28/8).

Nak muani ane ngoyong di Jalan Imam Bonjol Gang III, Banjar Alangkajeng Menak, Desa Pemecutan Denpasar, suba dadi target operasi Tim Opsnal Resnarkoba Polresta Denpasar.

Informasi awal, tersangka ane akrab kaukina Gung Wah, sai ngedarang lan ngisep sabu sabu.

"Tersangka sai ngedarang ajak nganggo sabu sabu di Monang-maning Denpasar Kauh,” raos sumber di lapangan, Minggu (2/9).

Hasil interogasi polisi, tersangka Gung Wah ngaku maan sabu sabu uli nak len ane sing tawanga adane.

Gung Wah terus abana ke Mapolresta Denpasar. Kasatresnarkoba Polresta Denpasar, Kompol Aris Purwanto, ngorahang, pihakne enu ngepung pelaku ane lenan.

“Masih didalami,” keto raosne Aris, Minggu (2/9). [bbn/Spy/psk]